Do kriag i do gestan so a I-Mail …

… oiso so an Njusletta. Mit an Obsenda aus .de-Land.

Da Betreff woa intresant: „Gut vorbereitet fuer Ball und Gschnas?“ — do hob i do glei gschaut, wos drinn steht, und des woa a intresant, des woan lauta Tipps zum Fosching – oiso Karneval, net woa – a CD mit Woiza-Musik, daun no ane so mit Disco, net woa, und a Buach woa a dabei, des hob i glei dann bstöllt, weil des is a wichtig, waun amoi nimma Fosching is, so a Buach üba Pflege fia Männa, net woar, und daun no ans mit Rezepte zum Kochn.

Des Beste oba woar, dass die Preise do alle in Östarreichische Euro aungebn woarn. Weil des is ja net so, net woar, dass ma jetzt glaubn kennt, olle san ma gleich, weil Währung übaroll gleich und so, net woar. Und in dem Njusletta do, do woarn alle Preise auf Östarreichisch und da bleibt nur no ans zu sogn:

Ämassonn is suppa!